Chelsea bëri një fillim premtues nën drejtimin e Mauricio Pochettino me një barazim 1-1 në shtëpi ndaj Liverpool-it fundjavën e kaluar dhe ata janë favoritët për të shijuar fitoren e parë të epokës së tyre të re ndaj rivalëve londinez West Hamit.
Hammers e përfunduan sezonin e kaluar në një nivel të lartë duke fituar Ligën e Konferencës, por kapiteni Declan Rice u shit te Arsenali dhe ata filluan sezonin e tyre 2023-24 në vend me një barazim 1-1 në Bournemouth.
Të dy klubet po synojnë të përmirësojnë paraqitjet e pakta të sezonit të kaluar në Premier League – Chelsea çaloi në vendin e 12-të, dy vende dhe katër pikë përpara Hammers – dhe një derbi i zjarrtë në Londër pritet sot.
Mesfushori James Ward-Prowse, i nënshkruar nga Southampton, duhet të bëjë debutimin e tij në West Ham së bashku me Tomas Soucek. Edson Alvaraz, një tjetër ardhje e re në mesfushë, ka të ngjarë të fillojë në stol.
Problemet e dëmtimeve të Chelseat vazhdojnë pasi Reece James, kapiteni i sapoemëruar i Bluve, i është bashkuar Christopher Nkunku, Wesley Fofana, Benoit Badiashile, Armando Broja te lenduar. Megjithatë, Moises Caicedo pritet të startojë pasi kompletoi një transferim rekord britanik nga Brightoni te Chelsea.